لا مش تهيؤات
البيت بيوسع بجد
السقف بيـعلا
والشبابيك بتوطّي
تجيب الناس م الشارع
فجأة بقيت ساكن في ميدان
متشرد في أوضتي
مالحقتش حتى
أداري مشاعري
فرميت المفاتيح
وعملت نفسي
كأني واحد من الداخلين
كده أرحم بكتير
على الأقل
هاقسم معاهم
اللي هايسرقوه منّي
واحنا بنضحك قوي
على صاحب البيت.
المؤلفون > محمد خير
محمد خير
1978نبذة عن المؤلف
شاعر و قاص من مصر :صدر له " ليل خارجي " أشعار بالعامية - دار ميريت 2002 " بارانويا " أشعار بالعامية - دار ميريت 2008 "عفاريت الراديو " قصص قصيرة - طبعة أولى دار ملامح 2008 طبعة ثانية - دار ميريت 2011 "هدايا الوحدة " أشعار بالفصحى - دار ميريت 2010 "سماء أقرب" دار ميريت 2013، ط2 2014 "رمش العين" دار الكتب خان 2014 كتب العديد من الأغنيات لفنانين مصريين ولبنانيين منهم زياد سحاب دنيا مسعود فيروز كراوية ياسمينا فايد إيلي رزق الله فرقة نغم مصري حصلت مجموعته "عفاريت الراديو" على جائزة المركز الثاني في مسابقة ساويرس لأفضل مجموعة قصصية عام 2010 ، فرع شباب الأدباء واختيرت المجموعة نفسها ضمن القائمة القصيرة لجائزة يوسف إدريس للقصة العربية 2010 ، المجلس الأعلى للثقافة، مصر حصل ديوانه "ليل خارجي" على جائزة أفضل ديوان عامية - المسابقة المركزية لقصور الثقافة المصرية سنة2001 حصلت قصيدته "خوف" على المركز الثالث لأفضل قصيدة عامية - المسابقة المركزية لقصور الثقافة المصرية سنة 1997
معدل التقييمات
161 مراجعة
