سندريلا سيكريت

- كتاب مبذول فيه مجهود قوي رغم إني جه عليا أوقات مليت منه في التلت الأخير شوية بس هو بشكل عام كويس جدا

- الكتاب بيخلي الواحد يعمل زي كأنه بحمل ويندوز جديد لحياتي ولسه بحط أساسيات وتقييمات و features لحياتي بكل جانب فيها من الأول

- محتاجة أقراه تاني وكذا مرة ومحتاجة أكتر مجموعة ناس قروه برضو عشان يكون فعال أكتر

- مش بحب كتب التنمية البشرية ولا الهري لكتير بتاعها بس الكتاب ده كلامه صادق وحقيقي وتحسه فعلا واقعي ومعبر فاتأثرت جدا بيه

- الأسلوب العامي في الكتاب عامة مش بحبه ولا بحبذه وعشان كده كاتبة الريفيو عامي برضو مع اني مبحبش ده كمان بس هي ميزة وعيب بتقرب الكلام لقلبك ودماغك أسرع

بشكل عام تجربة لذيذة وكويسة ^_^

الحقيقة ندمت على الوقت الذي ضاع في قراءة عبث

كتاب جميل بيغير ويخليك تعيد مفاهيم كتيير جواك وازاي تخطط وتبدأ من جديد بس الكتاب من كم النصائح والمعلومات اللي فيه محتاجين نقرأه اكثر من مره .

الكتاب واقعي جدا ومفيد وفعلا مش للبنات بس ... يمكن ده من اكتر العاميه اللي حبيتها في حياتي دايما مابحبش اي كتاب بالعاميه بس ده يمكن علشان يكون مفهومه بسيط للي لسه بادئ يقرأ ومايكونش معقد بالنسبالهم .... بس فعلا كتاب يستحق القراءه مش بس pdf لازم يكون ورقي علشان من فتره للتانيه نفتحه مش من الكتب اللي نقرأها وننساها لا.. لازم فعلا ولو لمدة قصيره نعيد قراءته علشان كلامه بجد لازم كلنا نطبقه في حياتنا هيفيدنا جدا ... شكرا للكاتبه انها اتاحت لنا فرصة قراءته والاستفاده من المعلومات الصادقه اللي فيه بجد كل كلمه كأنها من تجربتها وحبت توصلهالنا بكل اريحية ... جزاك الله خيرا ♥

الكتاب الي الكل خبصوني عليه😂😂😂مالحقت اكمله من ورا الخبصة عليه وع رايي بيه😂😂...

- كتاب ( سندريلا سيكرت).

- للكاتبة: هبة السواح.

- النوع: كتاب تنمية.

- عدد الصفحات: 288 صفحة.

- الكتاب يتحدث عن قصة سندريلا عن الساحرة المتمثلة ( اشجان ) الي تترك السحر وتقرر تحل المشاكل بحل واقعي .. فتجيها رسائل من سندريلا بعد الزواج بعد ماتنصدم ان الحياة مو حلوة طلعت وانها محتاجة سحر لانها مو سعيدة.. فتبدي جلسات لاكتشاف الذات والبحث عن السعادة.. تبدي الجلسات باسئلة رح انزللكمياها بالستوري واحتبارات للنفس وبعدين تبدي تعلق هي عنها .

- اولا الكتاب موتني ضحك😂كلش دمه خفيف كوناً مصري وعارضين سندريلا وهي تحجي مصري بطريقة فكاهية جدا.. السرد لانه بعد عامي ( مصري) فجداً سلس كانه حوار واسئلة سندريلا واعتراضاتها ع نقط معينة الواحد يسويها كتجربة انه يكون سعيد واقعية وتدور ببال كل وحدة.. هم تضمن حالات البنات الي ماعندهم هدف او مشاكل معينة وشنو السبيل انه الواحد يتغير وشلون الوحدة تكون سعيدة بدون اي مقومات خارجية انها تكون مسؤولة وتعتمد ع نفسها .. من انجح كتب التمنية القاريتها اساسا الكاتبة اخصائية تنمية .. الكتاب يجننن وححجي عنه بالتفصيل بالستوري وابقيه دايماً ..

- اخذته من المتنبي من دار الحكمة .

#روايات_فرح_صبري #فرح_صبري

#سندريلا_سيكريت

#هبة_السواح

عدد صفحات الكتاب : ٢٩١

تصنيف الكتاب : محاضرات في التنمية البشرية life coaching

مدة القراءة : ١٠ ايام

الكتاب بيحكي عن سندريلا اللي اتجوزت الامير وافتكرت انها هتلاقي السعادة كلها معاه بعد ما خلصت من شر مرات ابوها اللي سببلها عقدة في حياتها لكن سندريلا بتتصدم في الامير بعد جوازها واكتشفت انها مش سعيدة مع الامير فرجعت للساحرة أشجان عشان تعلمها ازاي تبقى سعيدة.

الكتاب مقسم ل١٠ فصول كل فصل في أوله بيحكي جزء من حدوتة سندريلا وبعد كده بتدخل الكاتبة تشرح مقصودها من الحدوتة في شكل محاضرات باللغة العامية.

الكتاب من أفضل كتب التنمية البشرية اللي قرأتها واتعلمت منها وأثرت في حياتي فعلا لأنه ببساطة جامع معظم الكتب في كتاب واحد الهدف من الكتاب اننا ازاي نعيش عيشة فل او زي ما بيقول الكتاب "حياة بجودة".

وبتقسم الكاتبة علاقاتنا في الحياة إلى ٧ علاقات وهي علاقاتنا ب(ربنا - أهلنا - الزوج أو الزوجة - أولادنا - أصدقائنا - نفسنا - المجتمع) وقالت إن كل علاقة من دول بتسبب السعادة فقسمت السعادة إلى ٧ تانكات كل تانك بعلاقة منهم يعني احنا في حياتنا عندنا ٧ تانكات للسعادة لكننا لما بنفقد تانك منهم مش بنبص لباقي التانكات اللي في حياتنا ومش بنحمد ربنا علينا فبالتالي احنا ممكن نوقف حياتنا على تانك واحد منهم رغم إننا لو فقدنا واحد او اتنين ممكن نعوضه بالباقي يعني لو أنا بدأت أحس بحزن أو إني مش سعيد في علاقة معينة ليه أمحور حياتي وأوقفها حوالين العلاقة دي مانا ممكن اشوف ايه اكتر حاجة بتسعدني واعملها عشان اتجنب الحاجة اللي بتضايقني يعني لو بحب القراءة مثلا او التلوين او العمل التطوعي انا ممكن اعمل اللي بحبه عشان يبعدني عن اي حزن.

وكمان بتتكلم الكاتبة عن اننا بنتحكم في حياتنا او بنعيش طبقا لمجموعة من القيم بتشكل حياتنا وآرائنا ومعتقداتنا وإن قيم كل إنسان بتختلف عن الاخر فلازم اتعامل مع كل واحد من خلال مجموعة القيم اللي ليها أولوية عنده وبالتالي هنقدر نعيش حياة متوازنة.

أفضل فصول الكتاب هو الفصل الثالث واللي بعتبر الكتاب كله ممكن يتلخص فيه

عيوب الكتاب أولا اللغة العامية واللي بمل منها والرغي الكتير وكأن الكاتبة بتكتب محاضرة ليها متسجلة فالكتاب طويل جدا وفيه أجزاء كتير مكررة وكان ممكن يتلخص بطريقة أفضل من كده ويمكن أنا لخصته في مجموعة الاقتباسات اللي أخدتها من كل موضوع في الكتاب فكان لازم الكاتبة تفرق ما بين أسلوب الكتابة وأسلوب المحاضرة وأعتقد إن شرح الكتاب في شكل محاضرة صوتية كان تأثيره هيبقى أكتر من الكتاب

أنصح بالكتاب ده وبشدة لأنه فعلا هيأثر في كل قارئ وتقييمي له ٤ / ٥ وكان ممكن يبقى ٥ / ٥ لولا عيوبه

كلنا سمع أو قرأ قصة سندريلا التي تبدأ بالظلم الشديد الذي تتعرض له من زوجة أبيها و تنتهي بالنهاية السعيدة بزواجها من الأمير بمساعدة الساحرة الطيبة .. وفي هذا الكتاب سنتعرف على حياة سندريلا ما بعد تلك النهاية على المشاكل التي تتعرض لها والمشاعر التي تعصف بها وكيف تتصرف ولمن تلجأ ؟

سندريلا التي كانت ترى خلاصها من البؤس وسعادتها في زواجها من الأمير والعيش في ذلك القصر الكبير بوجود الخدم ووسائل الراحة التامة والرفاهية .. فلما تحقق لها ذلك لم تشعر بالسعادة التي حلمت بها ؟

لماذا يجد البعض سعادته بإمتلاكه مبلغا ضخما من المال وآخر بحصوله على سيارة جديدة وآخر بالسفر الى الخارج وغيره بالوظيفة .. الإنجاب .. الزواج .. بينما كثير ممن يملك هذه الأمور لا يشعر بالسعادة ؟

ستأخذ أشجان بيد سندريلا والأميرات الحزينات وبأيدينا ولكن ليس بعصاتها السحرية وتعويذاتها .. بل في رحلة استكشافية لدواخلنا فتعرفنا على أنفسنا وأنواع احتياجاتها وكيف نلبي هذه الاحتياجات لتحقيق سعادتها

هذا الكتاب يعتبر احد الكتب التنمية الذاتية و لكن بطريقة مختلفة عن باقي الكتب ، فهو يتحدث عن الأحداث اليومية و المشاكل التي تواجهنا كل يوم ، و كيف نستطيع مواجهة هذه المشاكل و كيف نستطيع التغيير من ذاتنا لنصبح أقوياء

الكتاب معجبنيش خالص بصراحه اولا: الكاتبة تفتقر لفن مخاطبة القارئ اسلوب الكتابه ركيك جدا و كمان مواضيع الكتاب نفسها تحتوي على عشوائية و هذا من وجهة نظري ف المجمل الكتاب لم يكن مفيد بالنسبة لي 😐💔

كتاب اكثر من رائع

ومن اكتر الجمل اللي علمت معايا اوي خليك دايما فاعل في حياتك مش مفعول به ♡

الكتاب دا حلو اوي ادمجدت معاه اوي اوي💖💖

الكتاب جميل و مرتب و شرحه سهل وبيسط