الراهبة الغجرية

جمبل جدا أعجبني من يرا التعليق يقرا الكتاب

الرواية قصيره ممتعه لكن ماحسيت ان الاحداث مرتبه او مترابطه.

بتبداء الرواية بعملية سرقة لكهل اعمي في عمارة متهالكة فقيرة بحارة ضيقة، و دا الي بيخلي الظابط حسين يبدأ يحقق مع كل سكان العمارة و من هنا بنتعرف ع شخصيات العمارة و الرواية في نفس الوقت.

يصلح العمل لمن هم فوق ال١٨ سنة ⚠️⚠️

السرد و اللغة كانوا في منتهي الجمال، كلمات بترسم عالم غريب علي معظم الناس، عالم الغجر..

الوصف كان ممتاز و هو الي أظهر تفاصيل العالم دا.

الحوش، الاسطبل، عربات الكارو، القصر ...و غيره من الاماكن الي كانت ظاهرة و واضحة جدا بل و رائحتها وصلت كمان👌💪

الشخصيات في العمل قليلين، بطلتنا هي فتحية الغجرية، مالك، و الست عالية، من ابرز الشخصيات الي حقق معاهم الظابط حسين، و بالنسبة لرسم الشخصيات و صنع دوافع و مبررات كان كويس، في الي هتتعاطف معاه رغم حقارته و الي هتتشتت لتناقدهم المريب.

العمل نجح في نقل عالم الغجر بعاداتهم و تقاليدهم، نجح انه ينقل شخصيات زي الغفير و العربجية بطريقة يمكن قليل الي بيكتب عنهم.. دا كان من أهم مميزات العمل وهو التعرف علي بيئة جديدة 🤩

الجوانب الي محبتهاش خالص، اصرار الكاتب علي وضع عمله داخل نوڤيلا.. صفحات قليلة أدت الي رتابة بعض الاحداث، او تحس ان الاحداث كانت محتاجة شغل اكتر، كنا محتاجين نتعمق اكثر داخل الشخصيات و هكذا، يمكن لو كان خد مساحته كانت النتيجة افضل بالنسبة لي

الخلاصة..

عمل صغير يخلص مهاك في قعدة، هتعرف في تفاصيل جديدة عليك و حياة يمكن كنت متعرفش عنها حاجة، ولكن كانت محتاج مساحة اكتر شوية ♥️

رواية كفكرة جميلة .. ولغتها حلوة ومميزة،

بس للأسف الشديد مشتتة جدًا، شخصيات وأحداث وتفاصيل داخلة في بعضها

على كل حال يبدو إننا سننتظر لـ ملاك عملاً آخر :)

رواية بديعة، أعادتني للقراءة بعد فترة انقطاع. احسست النهاية جاءت سريعة دون تمهيد كاف، لكنها ليست بالسيئة.

حبیب