الاقتصاد كما أشرحه لابنتي

.

كتاب صغير وعدد صفحاته بسيطه بس بيشرح الاقتصاد بطريقه مبسطه مناسبه للي زي حالاتي ماخدوش اقتصاد في المدرسه .

انا لقيت اجابه لسؤال كنت بسأله لنفسي و اكيد برضه كتير بيسألوه لنفسهم ، ليه الدول الاوروبيه متقدمه علميا عن الدول التانيه ؟ هل الشعوب الاوروبيه اذكي او بيشتغلوا اكتر مثلا؟ الاجابه بتاعته كانت ان دول اوروبا معظمها علي نفس خطوط العرض فالجو متشابه لحد كبير و النشاطات الزراعيه و الصناعيه متشابهه و دي كانت عوامل مساعده للسكان انهم يتنقلوا من بلد لبلد و يتبادلوا الثقافات و المعارف و ينموها لكن لو بصينا لافريقيا مثلا ، هنلاقي ان اغلب الدول المناخ بتاعها مختلف و علي خطوط عرض مختلفه ، و ده منع الناس انهم يتشاركوا نفس اسلوب الحياه و يطوروه.

، الكتاب بيمشي معانا من اول اختراع الكتابه علشان يكتبوا الديون و المحاصيل لاختراع العملات ، ازاي البنوك بتشتغل و تدي قروض (الحته دي صدمتني 🙃) ،للمساجين في الحرب العالميه التانيه لما استخدموا السجاير كعمله و النظام الاقتصادي اللي نشأ جوه السجن بسبب السجاير ،للبت كوين و ليه البت كوين ممكن تسبب انهيار الاقتصاد و اخيرا هل الاقتصاد مفروض يبقي محكوم بالدوله و لا يتم التحكم فيه بالديمقراطيه .

الكتاب لطيف و سهل في قرايته جدا و مش ممل اطلاقا و دي علامه ان اللي كاتبه بيفهم كويس جدا في الموضوع اللي بيكتب فيه .

ارشحه لقرايه ويك اند

كتاب مميز ومختلف عن كل كتب الاقتصاد التمهيدية اللي قرأتها. خاصة فصل القيمة التبادلية اللي (أظن أول فصل) ، وفصل المال غير السياسي (الفصل قبل الأخير).

تجربة كانت جديدة بسبب شرحه الأفكار باستخدام أمثلة حياتية بتوضح مدى قرب الاقتصاد وتأثيره على نَفَس الإنسان حتى.

بيستخدم أمثلة زي الأفلام، قصص حياتية، سرد أدبي توضيحي، أوقات هتحبه وأوقات هتمل منه لكنه لا ينفي خبرته وجودته.

من اجمل ما قرات في تبسيط الاقتصاد لغير الاقتصاديين . باقل المعارف تستطيع ان ترى لماذا الاقتصاد يتفاعل و يغير كل شي حولنا. محاولة تفسير المعارف و الثوابت الاقتصادية عبر القصص او حتى تفسير الحوادث التاريخية من وجهة نظر اقتصادية