لاشين .. الكتاب الثاني أبناء ديهيا

بعد قرأء الجزء الثاني من لاشين أبناء ديهيا مازلت عند رأيي اني تصنيف السلسلة كسلسلة رعب خطأ لاني برده بالنسبالي لا يوجد أي رعب

بصراحة الجزء الاول كان احلي كتير و من رأي المتواضع كان ممكن الجزء الاول و الثاني يكونوا جزء واحد

سلاسة الأسلوب و اللغة الجميلة مستمرة لا أستطيع إنكار ذلك

الملل كان حاضر و لكن قليل

في هذا الجزأ تطور المعرفة لدى آدم لاشين ، في النهاية يعلم إلي أين يتجه رغم أنه لا يعلم لماذا؟!

السرد واللغة رائعان كالجزأ الأول كأنهما كتبا سوياً ثم فُصلا بعد ذلك فلا فجوات بين الجزأين ، خيط متصل بسيط وواضح وإن كنا في الجزأ الأول طنا نتعرف علي الشخصيات وخلفياتها فهذا الجزأ كنا مع آدم لاشين فقط.

الجزء الثاني اقوي واكثر تشويقا من الجزء الاول حيث انه يركز اكثر على حكاية آدم لاشين وصراعه مع شياطينه .. فى انتظار الجزء الثالث ♥

التشويق في ازدياد

وعنصر الجذب عالي

مع نهاية كل جزء بكون متشوقة للي بعده

مقدمة لابد منها..

انا كنت بقالي حبه بعاني من عدم القدرة علي اني اخلص كتاب ببتدي فُلة وبعدين بعطل.. لحد ما ابتديت اقرا سلسلة لاشين للكاتبة شيرين

هنائي وده كان تغيير مرحب بيه ولذلك وجب شكر الكاتبة

طيب خلونا نتكلم بالتفصيل لاشين هي سلسلة اتكتبت وصدر منها الي الان كتابين الاول عهد الدجالين والتاني أبناء ديهيا.. طيب انا كسارة مكنتش عندي هذه المعلومة اللهم الا اني افتكرت ان الرواية جزئيين لكني بعد ذلك اكتشفت انها سلسلة وان في عدد جديد نازل قريب ديه كانت حاجة نفيخة بالنسبة لي اني مكنتش اعرفها من قبل ما ابتدي لذلك وجب التنوية..

طيب يلا بينا السلسلة بتحكي قصة لاشين ابن احد الداجلين المعروفين الي بيتربي بطريقة معينة وهو محاط باسطورة ابوه، دجال معروف انه بيعمل حاجات مش مفهومة وبيتحيط به الشائعات من كل حتة وهو بيحاول يفهم ايه مين ليه عشان يبقي في منطق للأحداث الي بتحصل قدامه والاحداث بتنطلق من هنا..

اولاً: الوصف: الحقيقة الوصف بتاع الاحداث والمخاليق والجن وخلافه معمول بطريقة صايعة مما ساعدني كقارئة اني اتخيل الي بيحصل كانه صورة في دماغي مع كآبة الاحداث وشناعة بعضها ده كانت حاجة مكدرة في بعض الاحيان ومسليه في احيان اخري لكن شابو للمؤلفة لقدرتها علي إيصال الاحداث والمناظر وحتي الروايح في بعض الاحيان بلغة سلسلة ولكنها تفصيليه خلتها كانها بتحصل قدامك..

ثانياً رتم الاحداث: الاحداث بتنط من زمن لزمن ومن شخصية لشخصية بطريقة سلسلة ومرتبة بتخليك ماسك الخطوط كويس لكنك في نفس الوقت متزهقش مما ساعد وبشده علي القضاء علي عامل الملل في الكتب ولذلك شابو تاني للمؤلفة..

ثالثاً: السلسلة مبنية علي احداث ما بعد اسطورة "بعد منتصف الليل" للكاتب احمد خالد توفيق الي قايمة علي فكرة برنامج راديو بيتذاع فيه قصص رعب.. وجود الحلقات ديه علي يويتيوب كان حاجة قمة في التسلية بالنسبة لي وساهم علي أيصال احساس اني الاحداث ديه بتحصل بجد حاجة جابتلي تريب ولكنها كانت حاجة جديدة بالنسبة لي.. برافو علي التجديد..

الي هنا الحاجات كلها عنب الي عنب، ايه بقي الي معجبنيش كسارة..

زي ما قلت الكتب ديه عبارة عن سلسلة وواضح انها مكملة معانا بعض الشئ كان هيبقي لطيف لو في كل كتاب كان فيه حكاية صغيرة جوا الحكاية الكبيرة الي هي عامود السلسلة وكل واحده بتخلص مع كل كتاب مما كان هيدي للقارئ الي هو انا احساس ان في قصة خلصت وفي نفس الوقت في القصة كبيرة مكملة معانا هنستنها في الكتاب الجاي.. لكن لما ده محصلش حسيت بنوع من الاحباط ضايقني بعض الشئ وكأني مجاليش احساس الانجاز والاستمتاع الي بيجيلي لما بخلص كتاب ده.. ديه حاجة ممزجتنيش

لكن ده لا يمنع اعجابي بالقصة الكبيرة الي بتتحكي في السلسلة والبيلد اب بتاعها وترتيب احداثها..

انا كسارة بشجع علي قراءة السلسلة لكني لو عرفت انها سلسلة كنت استنينت لحد ما كل الاعداد تنزل

مشروع قراءات موسم الرعب - أكتوبر ٢٠٢٣

مع الكتاب التاني في السلسلة بتبتدي الأحداث تتشكل في سياق مختلف تماما عن سلسلة ما وراء الطبيعة، فهي من الواضح انها قصة واحدة منقسمة على كذا كتاب مش قصص منفصلة لمغامرات لاشين مع عالم الماورائيات.

في هذا الكتاب بيبدأ لاشين يفهم أكتر عن الوضع الغريب اللي لقى نفسه فيه، وتبتدي تضح أكتر وأكتر ملامح عدوه اللي هيوجه طاقة انتقامه كله ليه، لكن من ناحية تانية المعرفة اللي بيكتسبها لاشين عن عالم الشياطين بتطرح اسئلة كبيرة عن عائلته وبتكشف عن وجود جانب غير معروف في تاريخ أبيه، يوحي بأنه أكثر اظلاما مما سبق...

الكتاب قصير جدا، يخلص في جلسة واحدة

محمد متولي

كما توقعت تماما، العدد الثاني احلي من الاول و متاكد ان السلسلة هتكون ف تصاعد مستمر، هنا بنشوف لاشين الي اطورت ف شيء صعب و ملوش فيه من الاساس.

طريقة السرد اعلي من الاول، الحوار اصبح اقل هنا او شبه معدوم لان في العدد دا مفيش شخصيات بتدخل ف الاحداث غير لاشين 🖤

جرعة الرعب موجودة و محترمة بالرغم ان الاول كان اقوي في حتة الرعب دي بالذات شوية !

شخصية لاشين🖤 في تطور و حرب نفسية مشوقة جدا و محمسة لباقي السلسلة

ك العادة نهاية مولعة😂💪.. مشوقة جداااا للعدد الثالث، الي انا رايح ابدء في دلوقت ♥️

شكرا للعظيمة شيرين هنائي♥️♥️♥️

عجبني الجزء ده اكتر من الاول (عهد الدجالين)..استمتعت باللغة و سلاسة الأحداث أكتر ..عجبتني الرحلة ومتشوق لباقي الكتب

مين منكم سعودي او لبناني او اردني او تونسي مغربي اماراتي جزائري سوري عراقي يمني بحريني

تحيه لكم

الجزء الاول بنسبة لي كان افضل ومرعب اكتر

الكتاب مسلي ولطيف.