أنا في انتظارك

موسي وفريدة وشويكار تاريخ ميلاد واحد ولكن لكل واحد منهم حكاية...

اسم الكتاب: أنا في إنتظارك

اسم الكاتب: لينا النابلسي

دار النشر: دوِّن

عدد الصفحات: 271

سنة الإصدار: 2022

التقييم ⭐⭐⭐⭐⭐

ول اول مرة اقول رأيي ف رواية هنا

بس حقيقي تستاهل ال 5نجوم وتستاهل اني اقول رأيي فيها

من أجمل الحاجات اللي بتحصل أن لما اختار كتاب ويعيشني جواه ويسفرني بعيد ودا اللي حصل انا وقعت في حب الرواية من اول الغلاف ولما بدأت القراءة مقدرتش مااحبهاش اكتر وكمان الأحداث شيقة وجميلة بدون ملل و أن الثلاثه عيد ميلادهم ف نفس اليوم ومع ذلك كل واحد له قصه مختلفه ومشكله وهموم صعبه حبيت جدا علاقة سالي بفريدة وتمسكها بيها ووقوفها جنبها وحبيت جدا النهايه وأن كلهم لقوا حلول وكانوا مبسوطين ونهاية سعيدة ليهم من تجاربهم وحقيقي كنت هزعل فعلا لو شافوا كل الوجع دا والنهاية كانت مؤلمة وكان حلو جدا بمامت فريدة انها قررت تتشجع حتى لو بعد كل السنين دي لازم يجي وقت ونوصل لكده حقيقي من اكبر الاخطاء بتاعتنا اننا بنخاف بس الشجاعة ممكن ترجع الحياة ل انسان كان كل هدفه انه يفارق الحياة مع ان فيها حاجات كتيرة حلوة تستاهل يعيش علشانه بس خوفنا كان مخبيها عنه وحبيت تصالح شويكار مع الدنيا والواقع وحلو جدا ان فريدة قدرت تقاوم وتعيش علشان الأمل اللي ربنا بعتهولها ونيمت وحكمتها وعم موسى وحنينه اللي دوبني واسكندرية وجمالها والحكي عنها اللي ميزهقش ابدا ووصفها وريحتها ف الشتا وجمالها وصوت الست اللي كان طول الوقت شغال في ذهني أد ايه كنا جمال ومفيش فرق بين يهودي ومسلم وكنا راقيين والمعلومات التاريخيه حبيتها جدااا حقيقي

‫ - في أشباح بتعيش جوه كل واحد فينا وتكمل لآخر العمر.

‫ قصدك الذكريات؟

مش أي ذكريات، الحكايات المبتورة اللي ما انتهتش. الناس اللي مشينا من غير ما نودعهم أونفسَّر لهم سبب غيابنا، المواقف اللي بنسكت فيها وبعد ما تمر نقول لروحنا كان لازم أرد وأقول كذا وكذا وكذا، كل الأمور المعلَّقة دي أشباح بتبني بيت في دماغ كل واحد وتقعد فيه براحتها تخرج وقت ما تحب تخوِّفه وتطاردهوفجأة تختفي أيام وشهور، ينساها ويتخيل إنها راحت لحال سبيلها ويحصل موقف سخيف وغير متوقع ترجع تغلس عليه تاني.

‫ ده مرعب أكتر من الأشباح نفسهم.

- الأحلام اللي مابتتحققش بتتحفر على ملامحنا.

-لتعلم مدى عمق صداقتك بأحدهم يجب أن تختلف معه، أن تتناحرا ولا تنجذب لفوضوية معتقداته، وعندما تنجح في الإبقاء عليه رغم هذا التنافر تصبح تلك صداقة مدى الحياة

_ العطر هو طي المسافة الفاصلة بين شخصين، لا تبتاع عطرًا إلا لشخص تحبه.

كل الأمور تبدأ عندما ترحل وحيدًا. ‫ السفر مفتاح إلى باب من المغامرات غير المحسوبة. ‫ السفر وسيلة مواصلات سريعة إلى الماضي. ‫ نرحل إلى كل الأماكن والأشخاص المجهولين، ننبش القبور ونخرِج الجثة تلو الأخرى، ونحكي لأنفسنا ألف حكاية وندخل

#أبجد

#فنجان_قهوه_وكتاب

#ماراثون_القراءة_الألكترونية

#أبجد_في_فنجان_قهوه_وكتاب

اسم الكتاب: أنا في إنتظارك(9)

اسم الكاتب: لينا النابلسي

دار النشر: دوِّن

عدد الصفحات: 271

سنة الإصدار: 2022

التقييم ⭐⭐⭐⭐

♡عادتاً بكتب الريفيو فصحى لكن عاوزة المره دي احكي بالعامية.

♡اولاً: من حسن حظي اني فوزت بالرواية في مسابقة عيد الحب هنا في الجروب.

♡ ثانياً: أجمل حاجه أن تجيلك هدية وتكون مناسبه لروحك ودا اللي حصل انا وقعت في غرام الرواية من اول الغلاف ونعومته ولما بدأت القراءة مقدرتش ماتورطش اكتر في حبها كل حاجه فيها جميلة زي القهوة اللي بتعملها نيمت ع السبرتاية بمزاج وكمان الأحداث شيقة وجميلة بدون ملل وطول الوقت مستنيه الرابط بين الأبطال فين بخلاف طبعا أن الثلاثه عيد ميلادهم نفس اليوم ومع ذلك كل واحد له قصه مختلفه ومشكله وهموم صعبه حبيت جدا النهايه وأن كلهم لقوا حلول وطلعوا بخير من تجاربهم كنت حزعل لو شافوا كل الوجع دا والنهاية كانت مؤلمة وفرحت جدا بمامت فريدة انها قررت تتشجع حتى لو بعد كل السنين دي وحبيت تصالح شويكار مع الدنيا والواقع وكنت فخورة بفريدة انها قدرت تقاوم وتعيش علشان الأمل اللي ربنا بعتهولها ونيمت وجمال حكمتها واسمها اللي جنني وعم موسى وحنينه اللي دوبني زيه واكتر آخر الرواية فضلت اعيط فكرته حيموت لكن الحمد لله فضل عايش واسكندريتي وجمالها والحكي عنها اللي ميزهقش ابدا وصوت الست اللي كان طول الوقت شغال في ذهني أد ايه كنا جمال ومفيش فرق بين يهودي ومسلم وكنا راقيين وحالمين والمعلومات التاريخيه كمان كانت لطيفه جدا وفي الختام احب اشكر الجروب لأنه كان السبب في الهدية واشكر الكاتبه على الجو الجميل اللي عيشته لدرجة اني خلصت الروايه في يوم ودا يكاد يكون مستحيل من بنتي🙈😂 وأحب اقول للكاتبه بعد تأثري بعم موسى

أنا ممنونة جدا ليكي على ذوقك وقلمك والروح الحلوة اللي عيشتيني فيها ديهده ديهده على الرواية الجميلة دي اول مره اقرألك ومش الاخيره إن شاء الله 🥰🥰

💟إقتباسات💟

🌹الحب الذي يعرف طريقه إلى قلوبنا لا يغادرنا حتى بالموت.

🌹الأحلام اللي مابتتحققش بتتحفر على ملامحنا.

🌹المشاعر مربكة بها الكثير من اللبس تغيِّر جدولك الزمني، وتقلب حياتك فيختلط الليل بالنهار وتتحول المواسم إلى فصل ربيع طويل، حتى صورتك في المرآة تتبدل وتكف عن تناول الطعام، تتحول إلى كائن حي يقتات على كلمات الشوق.

🌹العطر هو طي المسافة الفاصلة بين شخصين، لا تبتاع عطرًا إلا لشخص تحبه.

#ريفيو_قصير

اسم الرواية: أنا في انتظارك

المؤلف: لينا النابلسي

صدرت عن: دار دوّن

_____________=================_____________

عدد صفحاتها:

- ١٥٨ صفحة على أبجد، خفيفة نوعا ما وهنا كانت نقطة القوة والضعف في نفس الوقت، لكن من حيث نقطة القوة بسبب الأسلوب الهادئ للحكاية، رغم تقليديتها لكن كانت بسيطة بقدر إنك تستمتع بيها.

************************************************

الفكرة:

- بسيطة، توليفة معتادة عن الحب والانتظار وجدلية الماضي سواء الهرب منه أو التسند عليه كجزء من الهوية مع ، لكنها اتقدمت بشكل هادئ ومضبوط.

_______________________________________________

الحبكة:

- منطقية في تسلسلها وانتقالها اللطيف من شخصية لشخصية.

- فيها دراية للخط الزمني اللي ماشية بيه خصوصا في الماضي وحكيها بطريقة موائمة "وجود اليه.ود في مصر أو زواج الأميرة فوزية بالشاه محمد رضا بهلوي" أو من خلال استدعاء معلومات كخلفية للأحداث "زي الشعائر الدينية لليهو.د" أو كوبليهات وأغاني لأم كلثوم بطريقة جذابة ملائمة للشخصية وتدعم مسار الحبكة

_____________===============________________

الشخصيات:

- مضبوطة بشكل جيد من حيث الانفعالات والصراع واللازمات في الحوار، بالأخص شخصية عم موسى اللي كلامه فعلا تحس انه لايق على طبيعته وزمنه من الخمسينيات، وشخصية الجدة نيمت رغم إنه شوية تقليدي أو كيليشيه عن دور الجدات إلا إنه كان ملائم للحكاية ومدعم بأصل تاريخي قواه.

---------------------------------‐---------------------------------------

السرد والحوار:

- هنا نقطة الضعف للأسف، كسرد فصيح بين بعض الألفاظ العامية على حسب طبية الرواه المتكلمين لطيف جدا "الا من سهوة في فصل حسيت ان الراوي مشتت بين العليم والمتكلم" لكنه نسبيا قليل قصاد الحوار في أكثر من موضع، فيه أوقات حسيت اني بقرأ سيناريو مش فصل رواية، ولكن كنقطة إيجابية في الحوار إنه ملائم للزمن وملائم للشخصية نفسها "خصوصًا شخصية عم موسى زي ما قولنا"

________________________________________________

الخلاصة: رواية بتقدم حكاية رغم انك شوفت زيها كتير إلا إن فيها روح خفيفة من زمن قديم تخليك تتأثر بيها لدرجة إنك بتبتسم لما تنتهي.

أنا في أنتظارك 😍

رواية بطعم الذكريات، حدوتة من الزمن الجميل، أحداث ناعمة ومتناغمة كتابتها لينا النابلسي و دي حاجة مش جديدة عليها

حبيت الأحداث أوي وعشت مشاعر أبطالها اشتقت للغائبين مع عم موسى وحبيت عشقه لسارة وأنها لسه عايشة جوه ومعاه وفارقتهوش لحظة وحدة، حبيت حبه لبلده وإصراره وتشبثه بيها برغم كل الظروف اللي كانت بتقوله لازم يمشي علشان يعيش بأمان، شخصية موسى من الناس النادر وجودهم، طيف جميل دايمًا بنسمع عنه بس مش بنلاقيه،

خالد، فريدة، شويكار، أشخاص جمعتهم المشاعر ووجعتهم برضوا المشاعر

النهاية كانت مُرضية وملائمة جدًا للفكرة والجو العام للرواية

الغلاف بقى في حتى تانية وكان من أول أسبابي لقراءة الرواية

احساس انك بتقرأ حاجة و يتسلل احساس الدفا لقلبك 🍂 اتمنيت زمنهم اوي حسيت اني زمن رايق جرامفون و طاولة و جيران و سعيدة يهانم و مادموزيل😅🤎 حبيت ام كلثوم و اشتاقت اكتر لاسكندرية و اتمنيت اوي اقابل عم موسي🥹🤍رواية كانت المفروض تتقرا ف الشتا عشان تعجبني اضعاف م عجبتني🥺🤍 بس هي رايقة جدا جدا🤎

شابوه للكاتبة الراقية

١